زى ماحنا عارفين ان فيه التطور الطبيعى للحاجه الساقعه فى برضه التطور الطبيعى
للرجاله
تعالوا بقى معايا نشوف ايه هو التطور الطبيعى للرجاله ده
اليكم الان التطور الطبيعي للرجاله
بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟
بعد الشغل
بعد 6 اسابيع : حبيبتي انا جيت من الشغل بعد 6 شهور : انا رجعت
بعد 6 سنين : فين الأكل ؟؟
جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع
وقت الغدا
بعد 6 اسابيع : ماكنتش اعرف ان نفسك حلو اوى كدة بعد 6 شهور : عاملة ايه النهاردة
بعد 6 سنين : بامية تانى
لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : هو بكام ؟
لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , نامى انتى بقى
لما تعزم اصحابها
بعد 6 اسابيع : وماله اهلا بيهم فى أى وقت بعد 6 شهور : انتى كل اسبوعين هاتعزميلنا
حد ؟
بعد 6 سنين : يوووووه دة مابقاش بيت
لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى بعد 6 شهور : وماله عم انور
البقال ؟ بعد 6 سنين : انتى بتودى الأكل فين !؟؟
لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هو كل سنة ولا ايه !؟
فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى
وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب
السبت سبتمبر 27, 2008 7:19 am
